Taguri tamezwarut :

Ansuf isswen maṛṛa;

azul i maziγen d tmaziγin anda tellam, afus deg ufus .

Tamaziγt awal nneγ, timuzγa tudert nneγ, Tamazγa d akal nneγ. Ansuf s tmaziγt, ansuf s umaziγ. Ansuf s umeddakʷl d tmeddakʷelt n idles d tutlayt tamaziγt.

Ansuf akʷ s imestanen n tmentilt tamaziγt.

Ansuf isswen s usmel ad igan win maṛṛa imaziγen d tmaziγin . Ssarameγ seg wul inu ad digs tafm kra( ajmil d lfayda) .

Tamazγa tamurt nneγ, tamaziγt awal nneγ,timmuzγa tamagit nneγ.

Amek ara yedder wawal nneγ ger tutlayin yaḍnin , ma ur nettaru s tmaziγt ?!

Amek ara nzemr a d nağ arraw nneγ, d warraw n arraw nneγ d imaziγen , ma nettaru γas s tfṛanṣiṣt d taεrabt?!

Nekʷeni waqila nxeddem tutlayin tiberraniyin kan !! Ma nsawl s taεrabt d tfṛanṣiṣt i warraw nneγ, ar nettaru tasekla, tamdyazt d isekkinn yaḍnin s tutlayin n medden, asekka, tamaziγt ad temmet !! Ur ad tt dd afen warraw nneγ !!

ẓṛiγ tuget n ismalen s tutlayin tibeṛṛanyin , drusen wid n tutlayt tamaziγt ! Am zun tamaziγt maci d tutlayt ! iqan imaziγen maṛṛa ad fekn atig meqquren i wawal nneγ, tamaziγt ad tgem , ad temeγur ger tutlayin n u maḍal...

Dγi (tura) , imaziγen iqan ad ttarun s tmaziγt ma nxes ad tedder am alsiwen yaḍnin . Asekka d win idles d tussena deg iselkimen d id ttilifun d lantirnit. Maca nxedem idles nneγ γas s tutlayin n iṛumin d taεrabt , ass nna g nekren warraw nneγ, ad afen tafṛanṣiṣt d taεrabt kan !! Ihi, ger ad ifasen a yimaziγen ,afuss deg fuss afad taεekkumt a fellanγ tifsus , ad nfek afud i tmaziγt s tutlayt nneγ tmaziγt, ad qqimen warraw nneγ d imaziγen, ad ur d gen asekka ibeṛṛaniyen ger medden.

Tamaziγt d iman inu :

Ansa amenzu n ublug ad s tutlayt tamaziγt :

tutlayt inu tayemmat; tutlayt i yeteddun g idamn n iẓuṛan inu ; tutlayt igan iman inu; tutlayt i lmedγ seg γur imarawn inu; baba d imma ; ayetma ; istema; tutlayt i lmedγ g taddart d uḍewwar . aẓaγar, adrar, abrid, iγrem;...maca ur tγriγ ula t aruγ g tinemel (aγerbaz), acku ar aγ ttinin ur tgi tutlayt ula tunṣibt, tga γas tantala. lmdeγ asnemarra; tajerrumt taseftit d ilugan n tirra nnes g Lanternet. ad aγ yağ wakuc imassen n umṣawaḍ d imassen n tiknulujya d Lantirnit.

Akal nneγ d wawal nneγ a ygan tudert nneγ.